Tehillim 120
| Transliteration | עִברִית |
| 1. Shir HaMa'alot, el Adonai ba-tzaratah li karati vaya'aneni. 2. Adonai hatzil nafshi mi-sfat sheker, mi-lashon remiyah. 3. Mah yiten lekha u-ma yosif lakh lashon remiyah. 4. Hitzzei gibor shenunim, im gahalei retamim. 5. Oyah li ki garti Meshekh, shakanti im aholei Kedar. 6. Rabbat shakhnah lah nafshi, im sonei shalom. 7. Ani shalom, ve-khi adaber, hemah la-milchamah. | א שִׁ֗יר הַֽמַּ֫עֲל֥וֹת אֶל־יְ֭הוָה בַּצָּרָ֣תָה לִּ֑י קָ֝רָ֗אתִי וַֽיַּעֲנֵֽנִי׃ ב יְֽהוָ֗ה הַצִּ֣ילָה נַ֭פְשִׁי מִשְּׂפַת־שֶׁ֑קֶר מִלָּשׁ֥וֹן רְמִיָּֽה׃ ג מַה־יִּתֵּ֣ן לְ֭ךָ וּמַה־יֹּסִ֥יף לָ֗ךְ לָשׁ֥וֹן רְמִיָּֽה׃ ד חִצֵּ֣י גִבּ֣וֹר שְׁנוּנִ֑ים עִ֝֗ם גַּחֲלֵ֥י רְתָמִֽים׃ ה אֽוֹיָה־לִ֭י כִּי־גַ֣רְתִּי מֶ֑שֶׁךְ שָׁ֝כַ֗נְתִּי עִֽם־אָהֳלֵ֥י קֵדָֽר׃ ו רַ֭בַּת שָֽׁכְנָה־לָּ֣הּ נַפְשִׁ֑י עִ֝֗ם שׂוֹנֵ֥א שָׁלֽוֹם׃ ז אֲֽנִי־שָׁ֭לוֹם וְכִ֣י אֲדַבֵּ֑ר הֵ֝֗מָּה לַמִּלְחָמָֽה׃ |
Tehillim 121
| Transliteration | עִברִית |
| 1. Shir la-ma'alot, esa einai el he-harim, me-ayin yavo ezri. 2. Ezri me-im Adonai, oseh shamayim va-aretz. 3. Al yiten la-mot raglekha, al yanum shomrekha. 4. Hineh lo yanum ve-lo yishan, shomer Yisrael. 5. Adonai shomrekha, Adonai tzilkha, al yad yeminekha. 6. Yomam ha-shemesh lo yakekah, ve-yareakh ba-lailah. 7. Adonai yishmorkha mi-kol ra, yishmor et nafshekha. 8. Adonai yishmor tzetkha u-vo'ekha, me-atah ve-ad olam. | א שִׁיר, לַמַּעֲלוֹת אֶשָּׂא עֵינַי, אֶל-הֶהָרִים— מֵאַיִן, יָבֹא עֶזְרִי ב עֶזְרִי, מֵעִם יְהוָה— עֹשֵׂה, שָׁמַיִם וָאָרֶץ ג אַל-יִתֵּן לַמּוֹט רַגְלֶךָ; אַל-יָנוּם, שֹׁמְרֶךָ ד הִנֵּה לֹא-יָנוּם, וְלֹא יִישָׁן— שׁוֹמֵר, יִשְׂרָאֵל ה יְהוָה שֹׁמְרֶךָ; יְהוָה צִלְּךָ, עַל-יַד יְמִינֶךָ ו יוֹמָם, הַשֶּׁמֶשׁ לֹא-יַכֶּכָּה; וְיָרֵחַ בַּלָּיְלָה ז יְהוָה, יִשְׁמָרְךָ מִכָּל-רָע: יִשְׁמֹר, אֶת-נַפְשֶׁךָ ח יְהוָה, יִשְׁמָר-צֵאתְךָ וּבוֹאֶךָ— מֵעַתָּה, וְעַד-עוֹלָם |
Tehillim 122
| Transliteration | עִברִית |
| 1. Shir HaMa'alot le-David, samakhti be-omrim li: Beit Adonai nelekh. 2. Om'dot hayu raglenu bi-she'arayikh Yerushalayim. 3. Yerushalayim ha-benuyah, ke-ir she-chubrah lah yahdav. 4. She-sham alu shevatim, shivtei Yah, edut le-Yisrael, le-hodot le-Shem Adonai. 5. Ki shamah yashvu khis'ot le-mishpat, kis'ot le-beit David. 6. Sha'alu shelom Yerushalayim, yishlayu ohavayikh. 7. Yehi shalom be-cheilekh, shalvah be-armonotayikh. 8. Le-ma'an ahai ve-re'ai, adaber nah shalom bakh. 9. Le-ma'an Beit Adonai Eloheinu, avakshe tov lakh. | א שִׁ֥יר הַֽמַּעֲל֗וֹת לְדָ֫וִ֥ד שָׂ֭מַחְתִּי בְּאֹמְרִ֣ים לִ֑י בֵּ֖ית יְהוָ֣ה נֵלֵֽךְ׃ ב עֹ֭מְדוֹת הָי֣וּ רַגְלֵ֑ינוּ בִּ֝שְׁעָרָ֗יִךְ יְרוּשָׁלִָֽם׃ ג יְרוּשָׁלִַ֥ם הַבְּנוּיָ֑ה כְּ֝עִ֗יר שֶׁחֻבְּרָה־לָּ֥הּ יַחְדָּֽו׃ ד שֶׁשָּׁ֨ם עָל֪וּ שְׁבָטִ֡ים שִׁבְטֵי־יָ֭הּ עֵד֣וּת לְיִשְׂרָאֵ֑ל לְ֝הֹד֗וֹת לְשֵׁ֣ם יְהוָֽה׃ ה כִּ֤י שָׁ֨מָּה ׀ יָשְׁב֣וּ כִסְא֣וֹת לְמִשְׁפָּ֑ט כִּ֝סְא֗וֹת לְבֵ֣ית דָּוִֽיד׃ ו שַׁ֭אֲלוּ שְׁל֣וֹם יְרוּשָׁלִָ֑ם יִ֝שְׁלָ֗יוּ אֹהֲבָֽיִךְ׃ ז יְהִֽי־שָׁל֥וֹם בְּחֵילֵ֑ךְ שַׁ֝לְוָ֗ה בְּאַרְמְנוֹתָֽיִךְ׃ ח לְ֭מַעַן אַחַ֣י וְרֵעָ֑י אֲדַבְּרָה־נָּ֖א שָׁל֣וֹם בָּֽךְ׃ ט לְ֭מַעַן בֵּית־יְהוָ֣ה אֱלֹהֵ֑ינוּ אֲבַקְשָׁ֖ה ט֣וֹב לָֽךְ׃ |
Tehillim 123
| Transliteration | עִברִית |
| 1. Shir HaMa'alot, elekha nasati et einai, ha-yoshevi ba-shamayim. 2. Hineh ke-einei avadim el yad adoneihem, ke-einei shifchah el yad gevirtah; ken eineinu el Adonai Eloheinu, ad she-yechonenu. 3. Choneinu Adonai, choneinu, ki rav savanu buz. 4. Rabbat sav'ah lah nafshenu, ha-la'ag ha-sha'ananim, ha-buz li-ge'im. | א שִׁ֗יר הַֽמַּ֫עֲל֥וֹת אֵ֭לֶיךָ נָשָׂ֣אתִי אֶת־עֵינַ֑י הַ֝יֹּשְׁבִ֗י בַּשָּׁמָֽיִם׃ ב הִנֵּ֨ה כְעֵינֵ֪י עֲבָדִ֡ים אֶל־יַ֤ד אֲֽדוֹנֵיהֶ֗ם כְּעֵינֵ֣י שִׁפְחָה֮ אֶל־יַ֪ד גְּבִ֫רְתָּ֥הּ כֵּ֣ן עֵ֭ינֵינוּ אֶל־יְהוָ֣ה אֱלֹהֵ֑ינוּ עַ֝֗ד שֶׁיְּחָנֵּֽנוּ׃ ג חָנֵּ֣נוּ יְהוָ֣ה חָנֵּ֑נוּ כִּֽי־רַ֝֗ב שָׂבַ֥עְנוּ בֽוּז׃ ד רַבַּת֮ שָֽׂבְעָה־לָּ֪הּ נַ֫פְשֵׁ֥נוּ הַלַּ֥עַג הַשַּׁאֲנַנִּ֑ים הַ֝בּ֗וּז לִגְאֵ֥יוֹנִֽים׃ |
Tehillim 124
| Transliteration | עִברִית |
| 1. Shir HaMa'alot le-David, lulei Adonai she-hayah lanu, yomar na Yisrael. 2. Lulei Adonai she-hayah lanu, be-kum aleinu adam. 3. Azai hayim bela'unu, ba-charot apam banu. 4. Azai ha-mayim she-tafunu, nachlah avar al nafshenu. 5. Azai avar al nafshenu ha-mayim ha-zeidonim. 6. Barukh Adonai, she-lo netananu teref le-shineihem. 7. Nafshenu ke-tzipor nimletah mi-pach yokeshim; ha-pach nishbar va-anachnu nimlatnu. 8. Ezrenu be-Shem Adonai, oseh shamayim va-aretz. | א שִׁ֥יר הַֽמַּעֲל֗וֹת לְדָ֫וִ֥ד לוּלֵ֣י יְ֭הוָה שֶׁהָ֣יָה לָ֑נוּ יֹֽאמַר־נָ֝א יִשְׂרָאֵֽל׃ ב לוּלֵ֣י יְ֭הוָה שֶׁהָ֣יָה לָ֑נוּ בְּק֖וּם עָלֵ֣ינוּ אָדָֽם׃ ג אֲ֭זַי חַיִּ֣ים בְּלָע֑וּנוּ בַּחֲר֖וֹת אַפָּ֣ם בָּֽנוּ׃ ד אֲ֭זַי הַמַּ֣יִם שְׁטָפ֑וּנוּ נַ֗֜חְלָה עָבַ֥ר עַל־נַפְשֵֽׁנוּ׃ ה אֲ֭זַי עָבַ֣ר עַל־נַפְשֵׁ֑נוּ הַ֝מַּ֗יִם הַזֵּֽידוֹנִֽים׃ ו בָּר֥וּךְ יְהוָ֑ה שֶׁלֹּ֥א נְתָנָ֥נוּ טֶ֝֗רֶף לְשִׁנֵּיהֶֽם׃ ז נַפְשֵׁ֗נוּ כְּצִפּ֥וֹר נִמְלְטָה֮ מִפַּ֪ח י֫וֹקְשִׁ֥ים הַפַּ֥ח נִשְׁבָּ֗ר וַאֲנַ֥חְנוּ נִמְלָֽטְנוּ׃ ח עֶ֭זְרֵנוּ בְּשֵׁ֣ם יְהוָ֑ה עֹ֝שֵׂ֗ה שָׁמַ֥יִם וָאָֽרֶץ׃ |
Tehillim 125
| Transliteration | עִברִית |
| 1. Shir HaMa'alot, ha-botkhim ba-Adonai, ke-har Tziyon lo yimmot le-olam yeshev. 2. Yerushalayim harim saviv lah, va-Adonai saviv le-amo me-atah ve-ad olam. 3. Ki lo yanuakh shevet ha-resha al goral ha-tzadikim, le-ma'an lo yishlekhu ha-tzadikim be-avlatah yedeihem. 4. Heitivah Adonai la-tovim, ve-liysharim be-libotam. 5. Ve-ha-matim akalkalotam, yolikhem Adonai et po'alei ha-aven; shalom al Yisrael. | א שִׁ֗יר הַֽמַּ֫עֲל֥וֹת הַבֹּטְחִ֥ים בַּיהוָ֑ה כְּֽהַר־צִיּ֥וֹן לֹא־יִ֝מּ֗וֹט לְעוֹלָ֥ם יֵשֵֽׁב׃ ב יְֽרוּשָׁלִַ֗ם הָרִים֮ סָבִ֪יב לָ֥הּ וַ֭יהוָה סָבִ֣יב לְעַמּ֑וֹ מֵ֝עַתָּ֗ה וְעַד־עוֹלָֽם׃ ג כִּ֤י לֹ֪א יָנ֡וּחַ שֵׁ֤בֶט הָרֶ֗שַׁע עַל֮ גּוֹרַ֪ל הַֽצַּדִּ֫יקִ֥ים לְמַ֡עַן לֹא־יִשְׁלְח֖וּ הַצַּדִּיקִ֨ים בְּעַוְלָ֬תָה יְדֵיהֶֽם׃ ד הֵיטִ֣יבָה יְ֭הוָה לַטּוֹבִ֑ים וְ֝לִֽישָׁרִ֗ים בְּלִבּוֹתָֽם׃ ה וְהַמַּטִּ֤ים עַֽקַלְקַלּוֹתָ֗ם יוֹלִיכֵ֣ם יְ֭הוָה אֶת־פֹּעֲלֵ֣י הָאָ֑וֶן שָׁ֝ל֗וֹם עַל־יִשְׂרָאֵֽל׃ |
Tehillim 126
| Transliteration | עִברִית |
| 1. Shir HaMa'alot, be-shuv Adonai et shivat Tziyon, hayinu ke-holmim. 2. Az yimmale s'chok pinu u-leshonenu rinah; az yomru va-goyim, higdil Adonai la'asot im eleh. 3. Higdil Adonai la'asot imanu, hayinu semehim. 4. Shuvah Adonai et sheviteinu, ka-afikim ba-Negev. 5. Ha-zor'im be-dim'ah, be-rinah yiktzoru. 6. Halokh yelekh u-vakho, nose meshekh ha-zara; bo yavo ve-rinah, nose alumotav. | א שִׁ֗יר הַֽמַּ֫עֲל֥וֹת בְּשׁ֣וּב יְ֭הוָה אֶת־שִׁיבַ֣ת צִיּ֑וֹן הָ֝יִ֗ינוּ כְּחֹלְמִֽים׃ ב אָ֤ז יִמָּלֵ֪א שְׂח֡וֹק פִּינוּ֮ וּלְשׁוֹנֵ֪נוּ רִ֫נָּ֥ה אָ֭ז יֹאמְר֣וּ בַגּוֹיִ֑ם הִגְדִּ֥יל יְ֝הוָ֗ה לַעֲשׂ֥וֹת עִם־אֵֽלֶּה׃ ג הִגְדִּ֣יל יְ֭הוָה לַעֲשׂ֥וֹת עִמָּ֗נוּ הָיִ֥ינוּ שְׂמֵחִֽים׃ ד שׁוּבָ֣ה יְ֭הוָה אֶת־שבותנו [שְׁבִיתֵ֑נוּ] כַּאֲפִיקִ֥ים בַּנֶּֽגֶב׃ ה הַזֹּרְעִ֥ים בְּדִמְעָ֗ה בְּרִנָּ֥ה יִקְצֹֽרוּ׃ ו הָ֘ל֤וֹךְ יֵלֵ֨ךְ ׀ וּבָכֹה֮ נֹשֵׂ֪א מֶֽשֶׁךְ־הַ֫זָּ֥רַע בֹּֽ֬א־יָב֥וֹא בְרִנָּ֑ה נֹ֝שֵׂ֗א אֲלֻמֹּתָֽיו׃ |
Tehillim 127
| Transliteration | עִברִית |
| 1. Shir HaMa'alot li-Shlomo; im Adonai lo yivneh bayit, shav amlu vonav bo; im Adonai lo yishmor ir, shav shakad shomer. 2. Shav lakhem mashkimei kum, me'akharei shevet, okhlei lekhem ha-atzavim; ken yiten li-yedido shenah. 3. Hineh nakhalat Adonai banim, sakhar pri ha-baten. 4. Ke-hitzim be-yad gibor, ken bnei ha-ne'urim. 5. Ashrei ha-gever asher mile et ashpato me-hem; lo yevoshu, ki yedabru et oyevim ba-sha'ar. | א שִׁ֥יר הַֽמַּֽעֲל֗וֹת לִשְׁלֹ֫מֹ֥ה אִם־יְהוָ֤ה ׀ לֹא־יִבְנֶ֬ה בַ֗יִת שָׁ֤וְא ׀ עָמְל֣וּ בוֹנָ֣יו בּ֑וֹ אִם־יְהוָ֥ה לֹֽא־יִשְׁמָר־עִ֝֗יר שָׁ֤וְא ׀ שָׁקַ֬ד שׁוֹמֵֽר׃ ב שָׁ֤וְא לָכֶ֨ם ׀ מַשְׁכִּ֪ימֵי ק֡וּם מְאַֽחֲרֵי־שֶׁ֗בֶת אֹ֭כְלֵי לֶ֣חֶם הָעֲצָבִ֑ים כֵּ֤ן יִתֵּ֖ן לִֽידִיד֣וֹ שֵׁנָֽא׃ ג הִנֵּ֤ה נַחֲלַ֣ת יְהוָ֣ה בָּנִ֑ים שָׂ֝כָ֗ר פְּרִ֣י הַבָּֽטֶן׃ ד כְּחִצִּ֥ים בְּיַד־גִּבּ֑וֹר כֵּ֝֗ן בְּנֵ֣י הַנְּעוּרִֽים׃ ה אַשְׁרֵ֤י הַגֶּ֗בֶר אֲשֶׁ֤ר מִלֵּ֥א אֶת־אַשְׁפָּת֗וֹ מֵ֫הֶ֥ם לֹֽא־יֵבֹ֑שׁוּ כִּֽי־יְדַבְּר֖וּ אֶת־אוֹיְבִ֣ים בַּשָּֽׁעַר׃ |
Tehillim 128
| Transliteration | עִברִית |
| 1. Shir HaMa'alot, ashrei kol yerei Adonai, ha-holekh bi-derakhav. 2. Yegia kapekha ki tokhel, ashrekha ve-tov lakh. 3. Eshetkha ke-gefen poriyah be-yarketei veitekha, banekha ki-sh'tilei zetim saviv le-shulkhanekha. 4. Hineh ki khan yevorakh gaver yerei Adonai. 5. Yevarekhekha Adonai mi-Tziyon, u-re'eh be-tuv Yerushalayim kol yemei khayekha. 6. U-re'eh vanim le-vanekha, shalom al Yisrael. | א שִׁ֗יר הַֽמַּ֫עֲל֥וֹת אַ֭שְׁרֵי כָּל־יְרֵ֣א יְהוָ֑ה הַ֝הֹלֵ֗ךְ בִּדְרָכָֽיו׃ ב יְגִ֣יעַ כַּ֭פֶּיךָ כִּ֣י תֹאכֵ֑ל אַ֝שְׁרֶ֗יךָ וְט֣וֹב לָֽךְ׃ ג אֶשְׁתְּךָ֤ ׀ כְּגֶ֥פֶן פֹּרִיָּה֮ בְּיַרְכְּתֵ֪י בֵ֫יתֶ֥ךָ בָּ֭נֶיךָ כִּשְׁתִלֵ֣י זֵיתִ֑ים סָ֝בִ֗יב לְשֻׁלְחָנֶֽךָ׃ ד הִנֵּ֣ה כִי־כֵ֭ן יְבֹ֥רַךְ גָּ֗בֶר יְרֵ֣א יְהוָֽה׃ ה יְבָרֶכְךָ֥ יְהוָ֗ה מִצִּ֫יּ֥וֹן וּ֭רְאֵה בְּט֣וּב יְרוּשָׁלִָ֑ם כֹּ֝֗ל יְמֵ֣י חַיֶּֽיךָ׃ ו וּרְאֵֽה־בָנִ֥ים לְבָנֶ֑יךָ שָׁ֝ל֗וֹם עַל־יִשְׂרָאֵֽל׃ |
Tehillim 129
| Transliteration | עִברִית |
| 1. Shir HaMa'alot, rabbat tzeraruni mi-ne'uray, yomar na Yisrael. 2. Rabbat tzeraruni mi-ne'uray, gam lo yakhelu li. 3. Al gabi kharshu khorshim, he'erikhu le-ma'anitam. 4. Adonai tzadik, kitzetz avot resha'im. 5. Yevoshu ve-yisogu akhor, kol sonei Tziyon. 6. Yihyu ka-khatzir gagot, she-kadmat shalaf yavesh. 7. She-lo mile khapo kotzer, ve-khitzno me'amer. 8. Ve-lo amru ha-ovrim: Birkat Adonai aleikhem; berakhnu etkhem be-Shem Adonai. | א שִׁיר, הַמַּעֲלוֹת רַבַּת, צְרָרוּנִי מִנְּעוּרַי— יֹאמַר-נָא, יִשְׂרָאֵל ב רַבַּת, צְרָרוּנִי מִנְּעוּרָי; גַּם, לֹא-יָכְלוּ לִי ג עַל-גַּבִּי, חָרְשׁוּ חֹרְשִׁים; הֶאֱרִיכוּ, למענותם (לְמַעֲנִיתָם) ד יְהוָה צַדִּיק; קִצֵּץ, עֲבוֹת רְשָׁעִים ה יֵבֹשׁוּ, וְיִסֹּגוּ אָחוֹר— כֹּל, שֹׂנְאֵי צִיּוֹן ו יִהְיוּ, כַּחֲצִיר גַּגּוֹת— שֶׁקַּדְמַת שָׁלַף יָבֵשׁ ז שֶׁלֹּא מִלֵּא כַפּוֹ קוֹצֵר; וְחִצְנוֹ מְעַמֵּר ח וְלֹא אָמְרוּ, הָעֹבְרִים— בִּרְכַּת-יְהוָה אֲלֵיכֶם בֵּרַכְנוּ אֶתְכֶם, בְּשֵׁם יְהוָה |
Tehillim 130
| Transliteration | עִברִית |
| 1. Shir HaMa'alot, mi-ma'amakim keratikha Adonai. 2. Adonai, shom'ah ve-koli; tihyenah ozn eikha kashuvot le-kol takhanunai. 3. Im avonot tishmor Yah, Adonai mi ya'amod. 4. Ki imkha ha-selikhah, le-ma'an tivare. 5. Kiviti Adonai, kivtah nafshi, ve-li-dvaro hokhalti. 6. Nafshi la-Adonai, mi-shomrim la-boker, shomrim la-boker. 7. Yakhel Yisrael el Adonai, ki im Adonai ha-khesed, ve-harbeh imo fedut. 8. Ve-hu yifdeh et Yisrael, mi-kol avonotav. | א שִׁ֥יר הַֽמַּעֲל֑וֹת מִמַּעֲמַקִּ֖ים קְרָאתִ֣יךָ יְהוָֽה׃ ב אֲדֹנָי֮ שִׁמְעָ֪ה בְק֫וֹלִ֥י תִּהְיֶ֣ינָה אָ֭זְנֶיךָ קַשֻּׁב֑וֹת לְ֝ק֗וֹל תַּחֲנוּנָֽי׃ ג אִם־עֲוֺנ֥וֹת תִּשְׁמָר־יָ֑הּ אֲ֝דֹנָ֗י מִ֣י יַעֲמֹֽד׃ ד כִּֽי־עִמְּךָ֥ הַסְּלִיחָ֑ה לְ֝מַ֗עַן תִּוָּרֵֽא׃ ה קִוִּ֣יתִי יְ֭הוָה קִוְּתָ֣ה נַפְשִׁ֑י וְֽלִדְבָר֥וֹ הוֹחָֽלְתִּי׃ ו נַפְשִׁ֥י לַֽאדֹנָ֑י מִשֹּׁמְרִ֥ים לַ֝בֹּ֗קֶר שֹׁמְרִ֥ים לַבֹּֽקֶר׃ ז יַחֵ֥ל יִשְׂרָאֵ֗ל אֶל־יְה֫וָה כִּֽי־עִם־יְהוָ֥ה הַחֶ֑סֶד וְהַרְבֵּ֖ה עִמּ֣וֹ פְדֽוּת׃ ח וְ֭הוּא יִפְדֶּ֣ה אֶת־יִשְׂרָאֵ֑ל מִ֝כֹּ֗ל עֲוֺנֹתָֽיו׃ |
Tehillim 131
| Transliteration | עִברִית |
| 1. Shir HaMa'alot le-David, Adonai, lo gavah libi, ve-lo ramu einai, ve-lo hilakhti bi-gdolot u-ve-niflaot mimeni. 2. Im lo shiviti ve-domamti nafshi ke-gamul alei imo, ka-gamul alai nafshi. 3. Yakhel Yisrael el Adonai, me-atah ve-ad olam. | א שִׁ֥יר הַֽמַּֽעֲל֗וֹת לְדָ֫וִ֥ד יְהוָ֤ה ׀ לֹא־גָבַ֣הּ לִ֭בִּי וְלֹא־רָמ֣וּ עֵינַ֑י וְלֹֽא־הִלַּ֓כְתִּי ׀ בִּגְדֹל֖וֹת וּבְנִפְלָא֣וֹת מִמֶּֽנִּי׃ ב אִם־לֹ֤א שִׁוִּ֨יתִי ׀ וְדוֹמַ֗מְתִּי נַ֫פְשִׁ֥י כְּ֭גָמֻל עֲלֵ֣י אִמּ֑וֹ כַּגָּמֻ֖ל עָלַ֣י נַפְשִֽׁי׃ ג יַחֵ֣ל יִ֭שְׂרָאֵל אֶל־יְהוָ֑ה מֵֽ֝עַתָּ֗ה וְעַד־עוֹלָֽם׃ |
Tehillim 132
| Transliteration | עִברִית |
| 1. Shir HaMa'alot, zekhor Adonai le-David et kol unoto. 2. Asher nishba la-Adonai, nadar la-Avir Yaakov. 3. Im avo be-ohel beiti, im eleh al eres yetzu'ai. 4. Im eten shenat le-einai, le-af'apai tenumah. 5. Ad emtza makom la-Adonai, mishkenot la-Avir Yaakov. 6. Hineh shema'nuhah be-Efratah, metza'nuhah bi-sedei ya'ar. 7. Navoah le-mishkenotav, nishtakhaveh la-hadom raglav. 8. Kumah Adonai li-menukhatekha, atah va-aron uzekha. 9. Kohanekha yilbeshu tzedek, va-khasidekha yiranenu. 10. Ba-avur David avdekha, al tashev penei meshikhekha. 11. Nishba Adonai le-David emet, lo yashuv mimena; mi-peri vitnekha ashit le-khise lakh. 12. Im yishmeru vanekha beriti ve-edotai zo alamdem, gam beneihem adei ad yeshvu le-khise lakh. 13. Ki vakhar Adonai be-Tziyon, ivah le-moshav lo. 14. Zot menukhati adei ad, poh eshev ki ivitiha. 15. Tzeidah barekh avarekh, evyoneha asbia lakhem. 16. Ve-khohaneha albish yesha, va-khasideha ranen yiranenu. 17. Sham atzmiakh keren le-David, arakhti ner li-meshikhi. 18. Oyvav albish boshet, ve-alav yatzitz nizro. | א שִׁ֗יר הַֽמַּ֫עֲל֥וֹת זְכוֹר־יְהוָ֥ה לְדָוִ֑ד אֵ֝ת כָּל־עֻנּוֹתֽוֹ׃ ב אֲשֶׁ֣ר נִ֭שְׁבַּע לַיהוָ֑ה נָ֝דַ֗ר לַאֲבִ֥יר יַעֲקֹֽב׃ ג אִם־אָ֭בֹא בְּאֹ֣הֶל בֵּיתִ֑י אִם־אֶ֝עֱלֶ֗ה עַל־עֶ֥רֶשׂ יְצוּעָֽי׃ ד אִם־אֶתֵּ֣ן שְׁנַ֣ת לְעֵינָ֑י לְֽעַפְעַפַּ֥י תְּנוּמָֽה׃ ה עַד־אֶמְצָ֣א מָ֭קוֹם לַיהוָ֑ה מִ֝שְׁכָּנ֗וֹת לַאֲבִ֥יר יַעֲקֹֽב׃ ו הִנֵּֽה־שְׁמַֽעֲנ֥וּהָ בְאֶפְרָ֑תָה מְ֝צָאנ֗וּהָ בִּשְׂדֵי־יָֽעַר׃ ז נָב֥וֹאָה לְמִשְׁכְּנוֹתָ֑יו נִ֝שְׁתַּחֲוֶ֗ה לַהֲדֹ֥ם רַגְלָֽיו׃ ח קוּמָ֣ה יְ֭הוָה לִמְנוּחָתֶ֑ךָ אַ֝תָּ֗ה וַאֲר֥וֹן עֻזֶּֽךָ׃ ט כֹּהֲנֶ֥יךָ יִלְבְּשׁוּ־צֶ֑דֶק וַחֲסִידֶ֥יךָ יְרַנֵּֽנוּ׃ י בַּ֭עֲבוּר דָּוִ֣ד עַבְדֶּ֑ךָ אַל־תָּ֝שֵׁ֗ב פְּנֵ֣י מְשִׁיחֶֽךָ׃ יא נִשְׁבַּֽע־יְהוָ֨ה ׀ לְדָוִ֡ד אֱמֶת֮ לֹֽא־יָשׁ֪וּב מִ֫מֶּ֥נָּה מִפְּרִ֥י בִטְנְךָ֑ אָ֝שִׁ֗ית לְכִסֵּא־לָֽךְ׃ יב אִֽם־יִשְׁמְר֬וּ בָנֶ֨יךָ ׀ בְּרִיתִי֮ וְעֵדֹתִ֥י ז֗וֹ אֲלַ֫מְּדֵ֥ם גַּם־בְּנֵיהֶ֥ם עֲדֵי־עַ֑ד יֵ֝שְׁב֗וּ לְכִסֵּא־לָֽךְ׃ יג כִּֽי־בָחַ֣ר יְהוָ֣ה בְּצִיּ֑וֹן אִ֝וָּ֗הּ לְמוֹשָׁ֥ב לֽוֹ׃ יד זֹאת־מְנוּחָתִ֥י עֲדֵי־עַ֑ד פֹּֽה־אֵ֝שֵׁ֗ב כִּ֣י אִוִּתִֽיהָ׃ טו צֵ֭ידָהּ בָּרֵ֣ךְ אֲבָרֵ֑ךְ אֶ֝בְיוֹנֶ֗יהָ אַשְׂבִּ֥יעַֽ לָֽחֶם׃ טז וְֽ֭כֹהֲנֶיהָ אַלְבִּ֣ישׁ יֶ֑שַׁע וַ֝חֲסִידֶ֗יהָ רַנֵּ֥ן יְרַנֵּֽנוּ׃ יז שָׁ֤ם אַצְמִ֣יחַ קֶ֣רֶן לְדָוִ֑ד עָרַ֥כְתִּי נֵ֝֗ר לִמְשִׁיחִֽי׃ יח א֭וֹיְבָיו אַלְבִּ֣ישׁ בֹּ֑שֶׁת וְ֝עָלָ֗יו יָצִ֥יץ נִזְרֽוֹ׃ |
Tehillim 133
| Transliteration | עִברִית |
| 1. Shir HaMa'alot le-David, hineh mah tov u-mah na'im, shevet ahim gam yakhad. 2. Ka-shemen ha-tov al ha-rosh, yored al ha-zakan, zkan Aharon, she-yored al pi midotav. 3. Ke-tal Hermon she-yored al harerei Tziyon, ki sham tzivah Adonai et ha-berakhah, hayim ad ha-olam. | א שִׁ֥יר הַֽמַּעֲל֗וֹת לְדָ֫וִ֥ד הִנֵּ֣ה מַה־טּ֭וֹב וּמַה־נָּעִ֑ים שֶׁ֖בֶת אַחִ֣ים גַּם־יָֽחַד׃ ב כַּשֶּׁ֤מֶן הַטּ֨וֹב ׀ עַל־הָרֹ֗אשׁ יֹרֵ֗ד עַֽל־הַזָּקָ֥ן זְקַֽן־אַהֲרֹ֑ן שֶׁ֝יֹּרֵ֗ד עַל־פִּ֥י מִדּוֹתָֽיו׃ ג כְּטַל־חֶרְמ֗וֹן שֶׁיֹּרֵד֮ עַל־הַרְרֵ֪י צִ֫יּ֥וֹן כִּ֤י שָׁ֨ם ׀ צִוָּ֣ה יְ֭הוָה אֶת־הַבְּרָכָ֑ה חַ֝יִּ֗ים עַד־הָעוֹלָֽם׃ |
Tehillim 134
| Transliteration | עִברִית |
| 1. Shir HaMa'alot, hineh barkhu et Adonai, kol avdei Adonai, ha-omdim be-beit Adonai ba-leilot. 2. Se'u yedekhem kodesh, u-varkhu et Adonai. 3. Yevarekhekha Adonai mi-Tziyon, oseh shamayim va-aretz. | א שִׁ֗יר הַֽמַּ֫עֲל֥וֹת הִנֵּ֤ה ׀ בָּרֲכ֣וּ אֶת־יְ֭הוָה כָּל־עַבְדֵ֣י יְהוָ֑ה הָעֹמְדִ֥ים בְּבֵית־יְ֝הוָ֗ה בַּלֵּילֽוֹת׃ ב שְׂאֽוּ־יְדֵכֶ֥ם קֹ֑דֶשׁ וּ֝בָרֲכוּ אֶת־יְהוָֽה׃ ג יְבָרֶכְךָ֣ יְ֭הוָה מִצִּיּ֑וֹן עֹ֝שֵׂ֗ה שָׁמַ֥יִם וָאָֽרֶץ׃ |
